
Kehta hai corona, hume aa gaya rona..
Insano se mukabla, ab humse nahi hai hona..
Kehta hai corona, hume aa gaya rona..
Jab hum fail gaye the duniya bhar me kona kona, ye ghar me baithkar maze se bana rahe the dalgona..
Kehta hai corona, hume aa gaya rona..
Insano ko nahi raha humse thoda bhi dar, hume samajh liya hai khilona..
Kehta hai corona, hume aa gaya rona..
Achhe khase the hum janwaro me, kyun aye hum insano me ye afsos hai ab hona..
Kehta hai corona, hume aa gaya rona..
Rang badalte insano se, humne bhi sikh liya hai apna iman khona..
Kehta hai corona, hume aa gaya rona..
Humara bahana dekar, garibo ke pet par lat marte amir bhar rahe apna jeb din doguna..
Kehta hai corona, hume aa gaya rona..
Jawano ko baksh kar humne bana diya alsi, aur buzurgo ka hospital me humne lagwa diya bichauna..
Kehta hai corona, hume aa gaya rona..
Madat kisika nahi karte, humdardi nahi hai kisiko kisise hona..
Kehta hai corona, hume aa gaya rona..
Kaise kisiko kare pareshan, kaise kisko de dhoka, insano ki haiwaniyat ne hum par bhi kar diya hai ab jadu – tona..
Kehta hai corona, hume aa gaya rona..
Nahi rehna hume ab insano ke bich aise lachar banke, karke ye wada ke harenge hum kabhi na..
Kehta hai corona, hume aa gaya rona..
Mauka hai ab bhi sudhar jao aye insano, bachalo dharti aur insaniyat ko, ke fir na kehna ke samjhaya humne tumko kabhi na, kyunki ab ki bar ayenge jab dubara hum rulayenge sabko aur jayenge hum fir kabhi na..
Kehta hai corona, hume aa gaya rona…
KEEP READING, KEEP GROWING!